انواع تشوهات القدم والكاحل
انواع تشوهات القدم والكاحل كتير جدا وللاسف صعب حصرها أو تجميعها بس علشان نقدر نلخصها لازم نكون عارفين قاعدة تشريحية بسيطة جدا الا وهى أن القدم عبارة عن ثلاث مناطق
القدم والكاحل تشريحيا
القدم بتتكون من ثلاث مناطق : اولا مقدمة القدم ودى اللى فيها الاصابع
ثانيا :الجزء الخلفى من الكاحل وده اللى فيه عظمة الكعب
ثالثا :منتصف القدم وده الجزء اللى بيوصل الجزء الامامى والخلفى
اما بالنسبة لمفصل الكاحل فهو المفصل ما بين عظام الساق وعظمة الثالوث
طيب ايه هو حلقة الوصل ما بين القدم والكاحل؟؟؟
الاجابة ::::مفصل اسمه مفصل ما تحت الكاحل ,والمفصل ده بيتكون مابين عظمة الثالوث وما بين عظمة الكعب
أنواع تشوهات القدم والكاحل ممكن تيجى فى منطقة واحدة فقط أو تيجى فى كذا منطقة أو واحدة تظهر وتؤدى إلى ظهور الأخرى
طيب هل الموضوع بالبساطة والسهولة دى لا طبعا؟؟!!
علاقة القدم بالكاحل
طالما اتكلمنا عن تشوهات القدم لازم كمان نتكلم عن تشوهات الكاحل لأنهم مرتبطين ببعض ودائما بيجوا مع بعض وكلا القدمين والكاحلين بيعملوا كوحدة واحدة .
ثانيا ايه هو سبب وجود تشوهات القدم والكاحل ؟؟؟
ممكن الطفل يتولد بيها زى القدم المخلبية و التصاقات الاصابع والأصابع الزائدة والأصابع الناقصة والأصابع المتضخمة والأصابع المتراكمة فوق بعضها.
وأغلب الحاجات دى بتيجى لوحدها وممكن تكون فى رجل واحدة أو الرجلين الاتنين وكمان ممكن تيجى على شكل متلازمات أو تشوهات متعددة فى أجزاء. كتيرة من الجسم
تشوهات القدم والكاحل اللى بتيجى مع الولادة هو دوران القدم للداخل بس دى بقى الطفل بيتولد بيها ومعظم الأهل مش بياخدوا بالهم الا لما الطفل يبتدى. يمشى
ممكن تشوهات القدم والكاحل تيجى لما الطفل يبتدى يكبر زى الفلات فوت , واللى فى الغالب بيكون نتيجة ارتخاء الاربطة .
فيه أنواع تشوهات القدم والكاحل بتيجى عند ٦ سنين تقريبا بسبب التهاب الأعصاب المزمن شاركوت مارى توث
طيب وده بيسبب ايه ؟؟للاسف بيسبب واحد من التشوهات المعقدة واكثرها تيبسا زى القدم الحنفاء المتيبسة
له الكلام ما خلص وان شاء الله نستكمل الموضوع فى مقال اخر
