فرق اطوال الطرفين السفليين
فرق اطوال الطرفين السفليين
فرق اطوال الطرفين السفليين من الاشياء اللى بتقلق اى أب أو أم وكمتن من الحاجاتلااللى بتلفت النظر علطول مجرد ما الطفل بيبتدى ييتولد.
مش بس كده ممكن فرق اطوال الطرفين السفليين يكون غير ملحوظ عند الولادة ولكن بيبدأ يظهر اول لما الطفل يبتذى يمشى وده بيظهر على شكل عرجة بسيطة، أما لو كانت العرجة دى غير واضحة فالطفل او الطفلة بيتم اكتشافها متاخر.
طبعا كتير من الاباء والامهات بقوا عندهم الدراية والثقافة العامة اللى معاها يقدروا يكتشفوا ويحددوا ويعرفوا الفرق من البداية.
فيه بعض الحالات الى بتكون واضحة جدا بالعين المجردة، زى نقص تكوين عظام الفخذ ونقص تكوين عظام الساق ، ودى طبعا واحدة من العيوب الخلقية النادرة الحدوث.
اما بالنسبة لباقى الحالات او اغلبها فأولياء الامور بيعرفوفها بمجرد النظر والمقارنة بين الطرفين السفليين حتى من قبل ما الاطفال يبتدوا يمشوا وفى بعض الاحيان بيكون عندهم حق فى ملاحظاتهم.
وهنا بقى بيجى دور طبيب العظام لان اغلب الناس من قلقهم بيبتدوا يروحوا للدكتور علشان يطمنهم، وده الهدف من المقالة دى.
اولا زى اى فحص ومن قبل ما امس الطفل باشوفه الاول بعينى وان كان بيمشى ابتدى اخليه يمشى وبابتدى ابص على مستوى الركبتين ومسوى نتوءات الكاحلين وكمان بابص على الثنيات الجلدية والعمود الفقرى .
بعدها نبتدى فحص الطفل ودى فى الحقيقة عملية صعبة الشرح ولكن احب ازود لمعلومات حضراتكم ان اهم حاجة لازم الدكتور يعرفها اذا كان فرق الطول اللى موجود ضاهرى ام فرق طول حقيقى وثانيا ايه هو مصدر فرق الطول هل هو نتيجة تيبس الانسجة ولا فرق طول عظمى.
اذا كان فرق الطول ده عظمى فهل هو بسبب قصر عظام الساق او عظام الفخذ فبنبتدى نحسب فرق الطول ده أد ايه بالظبط سواء بالقياسات الحقيقية او على الاشعات.
اذا كان فيه فروق اطوال الطرفين السفليين ده حقيقى واقل من اتنين سنتيميتر فغالبا بنطمن الاهل وبنتابع الطفل او الطفلة كل ستة اشهر ومع المتابعة لو فرق الطول بيزيد فده بيحتج تدخل جراحى ،اما لو كان اقل او ثابت فبيحتاج متابعة دورية مستمرة مع تعديل بسيط فى الحذاء
طيب ليه بنخاف من زيادة فرق الطول ، لأنه بيأثر سلبيا على الفقرات وبيعمل قصر فى وتر اكيليس و بيعمل آلام كتير فى المفاصل ومن هنا لازم تدخل لمعادلة فرق الطول.
علشان كده مش هينفع باى شكل من الاشكال وصف علاج للحالات دى عن طريق رسائل الصفحة او على رسائل الواتس لانها بتحتاج فحص دقيق جدا وكمان معرفة اسباب القصر الموود فى احد الطرفين السفليين واهمها خلع مفصل الحوض الوراثى.
للاسف علاج فروق اطوال الطرفين السفليين اللى اكتر من اتنين سنتيميتر بيحتاج تدخل جراحى
فى النهاية بنحب نطمن حضراتكم ان معظم الحالات فرق الطول بيكون بسيط ولا يحتاج الا المتابعة فقط.
