لين العظام-تقوس الركبتين معلومة طويله شويه بس يهم كل الاباء والامهات انهم يعرفوها علشان نقدر نطمن 👌
في الفترات الأخيره من الحاجات الشائعة لزيارات عيادات تشوهات عظام الاطفال قلق الأهالي من تقوس الساقين والركبتين عند الاطفال من اول ما يتولدوا لحد سن المراهقة.
وعلشان نطمن كلنا محتاجين نعرف بعض المعلومات
اولا ايه هو التطور الطبيعى للساقين؟؟؟ وثانيا ايه هو لين العظام ؟؟؟
بالنسبة للتطور الطبيعى للساقين ،فالطفل او لما يتولد فطبيعى بيكون فيه نسبة تقوس بسيطة جدا وده من وضع الجنين فى الرحم والتقوس ده ، علشان كلنا يطمن ، بتكمل لحد الطفل لما يمشى ومع المشى بيبدا التقوس يقل ويختفى تماما.
وغى المرحلة المشى لو الطفل او الطفلة عندهم لين عظام بيبدأ التقوس ده يزيد وده ياخدنا لتانى سؤال ايه هو لين العظام؟؟؟
كساح ام لين عظام؟؟
لين العظام-تقوس الركبتين مرتبطين جدا ببعض ولين العظام كان بيطلق عليه زمان الكساح ولكن الفظ ده لم يعد يذكر على النطاق الطبى!!
لين عظام بينتج عن نقص فى واحد من مكونات العظام العضوية !!وهنا السؤال التانى ايه هى مكونات العظام الاساسية؟؟؟
عظام الانسان بتتكون من الماء ،البروتين فى شكل كولاچين غالبا، كالسيوم وفوسفور وبعض المكونات الاخرى ولكن دول الاساسين واللى عليهم بنبدأ نحدد انواع لين العظام.
هل ده كل حاجة لأ طبعا!!! لازم يكون فيه مايسترو يتحكم فى المكونات دى كلها وهنا بيجى دور فيتامين (د) وهورمون الغدة الجار درقية وهورمون النمو وهورمون الغدة الدرقية وبعض الهورمونات الاخرى.
ممكن يكون سبب في خلل فى وظايف الكلي والكبد وده بنقدر نحدده من خلال التحاليل.
نقص فيتامين (د) هو بقى اللى بيسبب لين العظام والعظام لما تكون لينة او طرية بيحص التشوهات واللى اغلبها ظاهريا فى تقوس الركبتين انما طبعا ليها اعراض تانية كتير بتأثر على الجمجمة والحوض والفقرات والقفص الصدرى وبتسبب كمان آلام فى العظام .
لين العظام-تقوس الركبتين !!! طيب ازاي أعرف إذا كان عند ابني تقوس ولين عظام ولا لأ وامتى نقلق؟؟؟
▪️لو التقوس موجود واحدة فقط أو ظاهر في رجل واحده اكتر من التانيه
▪️لو التقوس من سن سنتين مش بيتحسن وبيزيد مش بيقل
طيب إيه هيا طرق العلاج
دي بق منقدرش نحددها غير بعد الفحص لأنها بتختلف من حالة ل حالة والمتابعة الدورية أو لقدر الله تدخلات جراحيه.
اعرفوا اكتر عن تقوس الركبة الداخلى والخارجى
لو إبنك أو بنتك عندهم مشكلة تقدروا تبعتولنا في الرسائل او تكتبوها في كومنت وهيتم الرد عليكم من خلال
ا.د/ أحمد خليفه المتخصص في جراحة العظام والإصابات وتشوهات الأطفال، هتقدر تلحق طفلك وترجعه لطبيعته.❤️
#داحمدخليفةتشوهاتعظام_الاطفال
حسابنا علي الانستجرام:-
حسابنا علي التيك توك:-
قناة اليوتيوب:-
